Ақмола облысының жалпы білім беретін мектептерінің арасында Қазақстан Республикасы тәуелсіздігінің 30 жылдығына орай «ҚР Тұңғыш Президенті Н.Ә.Назарбаевтың еңбектеріндегі Тәуелсіз Қазақстанның тарихы» атты облыстық онлайн конференция өтті.

2021 жылдың 25 сәуір мен 14 мамыр аралығы. Облыстық конференцияны ұйымдастырушы Көкшетау қаласындағы физика математикалық бағыттағы Назарбаев Зияткерлік мектебі.

Конференция мақсаты: ҚР Тұңғыш Президенті- Ұлт көшбасшысы Н.Ә.Назарбаевтың еңбектеріндегі тәуелсіз Қазақстан тарихының көрініс табуын, маңызды идеялары мен игі бастамаларын, стратегиялық құжаттарын зерттеу және бағалау.

Конференция екі кезеңнен тұрды.

Бірінші кезең: баяндама. Екінші кезең: презентация қорғау.

Бірінші кезеңде 24 оқушы бақ сынап, оның ішінде 7 оқушы екінші кезеңге жолдама алған.

Екінші кезеңге қатысқан 7 оқушы ішінен «Ақмола облысы білім басқармасының Зеренді ауданы бойынша білім бөлімі Зеренді ауылының № 1 жалпы орта білім беретін мектебі» КММ 11 «А» сынып оқушысы Кошаев Нариман бас жүлде (гран-при) иеленді.

Жетекшісі: тарих және құқық пәні мұғалімі Такетов Әуелбек Дүйсенбекұлы.